कैदो आ डंका री चोट, पैली भाषा पछै वोट
टेट माय शामिल करों राजस्थानी भाषा: डॉ. बारहट
बासवाड़ा। राजस्थान शिक्षक पात्रता परीक्षा माय राजस्थानी ने शामिल करवा री मांग ने लेयर अखिल भारतीय राजस्थानी भाषा संघर्ष समिति रातीतळाई में पत्रकार वार्ता रो आयोजन कियो। अण अवसर माथै समिति महासचिव डॉ. राजेन्द्र बारहट क्यो कि शिक्षा विभाग अणी परीक्षा माय दूजी भाषावां नैं तो भैळी कर ली है पण राजस्थानी भाषा नैं अणदेखी कर राजस्थानियां रै साथै अन्याय कियो है। वणा यो भी क्यो कि इणरै वास्तै प्रदेश रा राजनेतावां नैं ज्ञापन देयर सूचित किया गया है। इण अवसर माथै समिति रा जिला अध्यक्ष महिपाल सिंह भी उपस्थित हा
राजस्थानी पौथी 'व्रत कथाएं' रो विमोचन
उदयपुर। माणिक्य लाल वर्मा आदिम जाति शोध एवं प्रशिक्षण संस्थान, उदयपुर सूं प्रकाशित मेवाड़ी पुस्तक 'व्रत कथाएं' रो विमोचन सर्किट हाउस में मुख्यमंत्री अशोक गहलोत किदो। इण अवसर माथै लेखक भगवतसिंह सांखला एवं देवेंद्र कुमार चौहान उपस्थित हा।
भारत भाग्य विधाता..वल्र्ड रिकॉर्ड में लेकसिटी री हिस्सेदारी: कलेक्ट्री रोड पै व्यो सामूहिक राष्ट्रगान
उदयपुर। भारत भावना दिवस माथै व्या सामूहिक राष्ट्रगान अभियान माय हिस्सेदारी निभाता थका उदयपुर में हजारों मिनख एक सुर में राष्ट्रगान किदो। इण दौरान एक रियलिटी शो रै फाइनलिस्ट शाहनवाज खान देशभक्ति गीता री प्रस्तुतियां दीदी। कलेक्ट्रेट रै बारणै परभाते नौ बज्या सूं ही मिनखा री भीड़ भेळी वेवा लागी। देखता ही देखता साढ़े नौ बज्या तक आयोजन स्थल माथै हजारां री संख्या में मिनख भेळा व्है ग्या। अणामें सबसूं वत्ती संख्या स्कूल अर कॉलेज जावा वाळा विद्यार्थिया री ही। संगळा हाथां में तिरंगे थाम्या थका हा।
चुरु में रेत री झर-झर
फोटो : मनोज राठौड़ (साभार दैनिक भस्कर)
चुरु। पारौ उफान माथै है! प्रचंड गर्मी पड़ री है। राजस्थान तप रियो है। रेगिस्तान भी। धोरा री तासीर व्है है कि गर्मी भी असहनीय और सर्दी भी हाड़ कंपावा वाळी। तस्वीर चूरू री है, गर्मी सूं सूख’र रेत झर-झर बह री है। ठंड में अठै पारो जम’र ० सूं -१० तक पौंच जावै।
तपता धोरा में अणी माह में वेगा 'ऑपरेशन अलर्ट'
जोधपुर। पश्चिमी राजस्थान व गुजरात रै कच्छ सूं लागी पाकिस्तानी सीमा पै भट्टी रै ज्यूं तपता रेत रै धोरा माथै सीमा सुरक्षा बल (बीएसएफ) आपणो पराक्रम परखेला। इणरै लिए अणी माह बीएसएफ राजस्थान सीमांत ऑपरेशन अलर्ट शुरू करेला। इणमें गुजरात सीमांत भी कच्छ रै दलदली इलाका सूं ले’र बाड़मेर तक सीमा पै विशेष चौकसी बरतेला। ऑपरेशन अलर्ट रै तहत बीएसएफ मुख्यालयों में बैठिया जवानां ने सीमा चौकी रै भड़ै गश्त रै लिए भेज्या जावेला। इण दौरान पैदल, ऊंट अर वाहन सूं गश्त की जावेला। कैई जग्या एंबुश पार्टी तैनात वेगा, जो सीमा पै वैरियां री हरकता माथै नजर राखेला।
प्रखर रो इलाज फ्री वेगा
जयपुर। गुर्दे फेल वेवा रे बावजूद १२वीं विज्ञान परीक्षा री मेरिट में ५वीं रैंक लावा वाळा जयपुर रै प्रखर डेरोलिया रो मुफ्त इलाज वेगा। मुख्यमंत्री अशोक गहलोत इण संबंध में गुडग़ांव रै मेदांता अस्पताल रै डॉक्टर नरेश त्रेहान सूं बात कीदी। मुख्यमंत्री सहायता कोष सूं राशि उपलब्ध कराई जावैला। जयपुर रै मोनिलेक अस्पताल भी फ्री ट्रांसप्लांट री पेशकश करी है।
जयपुर में स्तुति।
जयपुर। सिविल सेवा परीक्षा २०१२ में तीजो रैंक पावा वाळी स्तुति चारण जदअहमदाबाद सूं जयपुर आईं। हवाई अड्डे पै साफो पहरा’र वंडो स्वागत कियो गयो। मूल रूप सूं जोधपुर री रेहवा वाळी स्तुति फिलहाल अहमदाबाद में बैंक पीओ री ट्रेनिंग कर री हैं और वंडो परिवार जयपुर रे महारानी फार्म में रेहवै है
राज्य पुलिस आयोग गठित
जयपुर। राज्य सरकार पुलिस आयोग रो गठन कियो है। इणरा अध्यक्ष राज्य रा गृह मंत्री व्हैगा। सरकार द्वारा नामित एएसपी स्तर रै अफसर इणरै सचिव व्हैला। विधानसभा में नेता प्रतिपक्ष सहित राज्य रै मुख्य सचिव, गृह सचिव और पुलिस अधीक्षक इणरै सदस्य व्हैला। समाज रै प्रतिष्ठित तीन आदमी भी स्वतंत्र सदस्य व्हैला। इणमें सूं एक राजस्थान पुलिस एक्ट-2007 री धारा 22 रै तहत गठित समिति री सिफारिशों रै आधार पै सरकार द्वारा समाज रै कमजोर वर्गां में सूं चुणियो गयो आदमी व्हैला।
हम्माली कर भणायो, बेटा लाया आईएएस में रैंक
सोजत रोड। (पाली) सिसरवादा गांव रै कानाराम सीरवी यूपीएससी में कामयाबी री नई इबारत लिखी है। हम्माल पिता रो बेटो यूपीएससी परीक्षा में 54वीं रैंक हासिल कीदी है। कानाराम रौ पिता गेनाराम मंडी में हम्माली रो काम करै हैं। बेटे री भणवा में रुचि देख’र पिता विनै भणावा रै लिए पूरी ताकत लगा दी। बेटो भी निराश नहीं किदा। जम’र भणाई करी। पैहले ग्राम सेवक बणियो। फैर शिक्षक। फैर दूजै ही प्रयास में यूपीएससी पास कर ली। कानाराम केवै है कि 'पिताजी रो सपनो हो कि म्हैं मोटो आदमी बणूं। म्हनै परीक्षा में कामयाबी सूं वत्तो हरख
ण वात रो है कि म्हैं पिता रो सपना सच कियो।
सीबीएसई 12वीं रो रिजल्ट 27 ने
अजमेर। सीबीएसई 12वीं रो परिणाम 27 मई ने घोषित वेगा। परीक्षा में अजमेर रीजन रे अंतर्गत 1,01,738 विद्यार्थी शामिल व्या हा। अजमेर रीजन में मप्र, गुजरात, राजस्थान, दादरा एवं नगर हवेली भेळी हैं। अणा वेबसाइटा माथै नतीजा देख्या जा सकेला।
जनमंच पे उठी राजस्थानी भाषा ने आठवीं अनुसूची में भैळी करवा री बात
राजस्थानी फिल्मां रे गिरता स्तर ने ले’र राजस्थान ई टी वी द्धारा निर्मित ‘‘ जनमंच‘‘ रे नाम सूं कार्यक्रम में सिनेमा रे विकास और विनास रे कारणां जस्या मुददा पै चर्चा और बहस व्ही। उक्त कार्यक्रम रो 19 मई परभाते 9 सूं 10 बज्या तक प्रसारण व्यो, जिणरे द्वारा सिनेमा व भाषा तथा रंगकर्मियों सूं चर्चा की गई। राजस्थानी सिनेमा री दुर्दशा पै कैई फिल्मा सूं जुडि़या लोगां सिनेमा रे विकास पे आपणी राय राखी अर भाषा ने आठवी अनुसूची में भैळी करवा री भी बात जोरदार ढंग सूं राखी। जनमंच कार्यक्रम में भीलवाडा रे राज जांगिड सिनेमा रे विकास पे तथा विनास करवा वाळा पे बेबाक टिप्पणी कीदी और सिनेमा ने ही कला संस्कति और भाषा ने प्रोत्साहन व घर घर पहुंचावा रो सबसूं सरल माध्यम बताया ।
इण अवसर पे राजस्थानी फिल्मां रे निर्माता, निर्देशक और अभिनेता शिरीष कुमार, गुजर मीणा भाई भाई, भंवरी एंव थोर तथा हुकुम जसी राजस्थानी फिल्मां रे निर्देशक लखविन्दर सिंह, राजस्थानी भाषा ने ले’र संधर्षरत डॉ. राजेन्द्र सिंह बारहट, निर्माता कैलाश, रंगकर्मी राजेन्द्र पायक, निर्देशक कमल आचार्य, अभिनेता श्रवण सागर, अभिनेत्री उषा जैन, इक्युपमेंट सप्लायर्स मनिष भाई आदि कैई सिनेमा एवं स्टेज सूं जुडी हस्तियां और ‘‘जनमंच‘‘ प्रोग्राम रे प्रस्तोता अतुल अहसास भी सिनेमा एवं भाषा रे बारे में जानकारी दी।
डॉ बारहठ रै द्वारा राहुल गांघी ने लिख्या गिया पत्र रो अनुवाद
आदरजोग,
श्री राहुल गाँधी साहिब
उपाध्यक्ष, भा .रा .कांग्रेस
खमाघणी अरज हो। कांग्रेस सरकार देश एवं म्हाणे प्रदेश में सफलतम कार्यकाल पूरा कर री है । इणरी आपने बधाई । राजस्थान में माननीय अशोक गेहलोत अस्यो कोई कारण नी छोडि़यो कि जिण कारण सूं वणारी पार्टी ने कोई वोट नी दे । अणा प्रदेश मे असंतोष नी पनपवा दियो है । यो वणारो कौशल, समझदारी अर चतुराई रो फल है।
श्री मान आप मोटियार है , देश आपने भावी प्रधानमंत्री रे रूप में देख रियो है। आपरै दल जयपुर चिंतन शिविर में आप में विश्वास प्रकट किदो है । इण हेतु आपने बधाई, शुभकामनाएँ स्वीकारे। श्री मान कोई भी युवा एवं छात्र संगठन व्है ही इण लिए है कि वो छात्र -युवा री समस्यावां ने उठावे एवं समाधान करवावे इणरी बेहतरी रे काम करे। श्री मान परन्तु राजस्थान में युवा कांग्रेस एवं एन. एस.यू.आई. इण प्रदेश रे युवाओं एवं छात्रों रे हित रक्षा रा काम नी कर रिया है। आपसूं अनुरोध है कि राजस्थान युवा कांग्रेस एवं एन.एस.यू.आई. री इकाइया ने भंग कर दे, इणरी कोई आवश्यकता ही नी है। राजस्थान रे युवा रे हित रक्षा राका काम करवा में ये पूर्णत: असफल रिया है। राजस्थान में आई.ए.एस. परीक्षा में १ ० ० अंक रा अनिवार्य राजस्थानी ऐच्छिक प्रश्न पत्र, टेट परीक्षा में ७ भाषावां रे साथै राजस्थानी विकल्प प्रश्न पत्र, आई.ए.एस. में राजस्थानी ऐच्छिक प्रश्न पत्र २ ० ० ० में सूं ६ ० ० अंक रो एवं राजस्थानी माध्यम री सुविधा एवं रेलवे, जज, पी.आर.ओं. अर संगळा केंद्र व राज्य सरकार री नौकरियां में दूजा प्रांत रे मोटियारा ने म्हाणे देश में सुविधा,अधिकार है वो राजस्थान रे मोटियारा ने नी दिलवा पाया अर कोई प्रयास अब तक नी किदा । इणलिए राजस्थान में अणा संगठना री कोई आवश्यकता नी है । ये राजस्थान रे मोटियारा रो भविष्य बर्बाद करवा री महती भुमिका निभा रिया है । श्री मान म्हाणा प्रदेश राजनैतिक रूप सूं अचेत है । राजस्थानी लोगा ने यो नी पता व्है है की म्हाणे कांई करणो है अर कुंण अठै कांई कर रियो है । श्री मान म्हाणी विधानसभा २ ५ अगस्त २ ० ० ३ ने सर्वसम्मत संकल्प प्रस्ताव राजस्थानी भाषा ने ८ वी अनुसूची में जोड़वा रे लिए पास कर भेज्यो हो, विने १ ० वर्ष हो चुक्या है ,फिर भी म्हाणे सांसदा अर आपने जरुरी नी लागै कि विण पै कार्यवाई कर म्हाणी भाषा ने मान्यता दिलावें । ताकि म्हाने भी बोलवा रो अधिकार मिलें। आपने घणी-घणी शुभकामनावां अर उज्जवल भविष्य री कामना रे साथै,
-अरजवंत
डॉ. राजेंद्र सिंह बारहठ
राजस्थान ने पंचायतीराज क्षेत्र में उत्कृष्ट कार्य रे लिए पुरस्कार
उदयपुर। राष्ट्रीय पंचायत दिवस पै नई दिल्ली रे विज्ञान भवन में राष्ट्रीय सलाहकार परिषद री अध्यक्ष सोनिया गांधी री उपस्थिति में प्रधानमंत्री डॉ. मनमोहन सिंह राजस्थान ने पंचायतीराज क्षेत्र में उत्कृष्ट कार्य करवा रे लिए डेढ़ करोड़ रुपया रो पुरस्कार प्रदान किदो।
१०१ पंडित लीदी बाल विवाह रोकवा री शपथ
जोधपुर। जिला विधिक सेवा प्राधिकरण, जोधपुर महानगर रे तत्वावधान में 6 मई चांदपोल स्थित भास्कर वाटिका में राजस्थान हाईकोर्ट रे न्यायाधीश गोपालकृष्ण व्यास १०१ पंडिता ने बाल विवाह रोकवा री शपथ दिलाई। शपथ लेवा वाळा रे रिश्तेदारों व मित्रां सूं भी बाल विवाह रोकवा रे अभियान में साथ देवा रो आग्रह किदो। न्यायपालिका री ओर सूं शहर में या अनूठी पहल करी गई।
जोधपुर-अहमदाबाद रे वीच शताब्दी एक्सप्रेस
जोधपुर। जोधपुर सूं अहमदाबाद जावा वाळा रेल यात्रियां ने जल्द ही शताब्दी ट्रेन रो तोहफा मिलेगा। रेलवे दोई शहरा रे वीच प्रतिदिन इण ट्रेन ने चलावा रो तय कर लियो है। वर्तमान में दिल्ली-अजमेर रे वीच चाल री शताब्दी एक्सप्रेस रो रैक जोधपुर ने दियो जावेगा। शताब्दी एक्सप्रेस चालवा सूं जोधपुर सूं अहमदाबाद रो सफर दस री बजाय सात घंटे में तय व्है सकेला। या ट्रेन रोजाना सुबह जोधपुर सूं चाल’र रात में पाछी आवेला। या ट्रेन संभवतया जोधपुर सूं परभाते 5:30 बज्या रवाना वे’र दुपैर 12:30 बज्या अहमदाबाद पहुंचेला। वापसी में दुपैर 2 बज्या रवाना वे’र रात 9 बज्या जोधपुर आवेला।
चौहान राज्य स्तर पै सम्मानित
-अशोक जैन
नसीराबाद। राजकीय चिकित्सालय नसीराबाद में कार्यरत मेल नर्स देवेन्द्र चौहान ने जयपुर स्थित राजस्थान नर्सिंग कोंसिल प्रांगण में आयोजित समारोह में चिकित्सा एवं स्वास्थ्य विभाग रे निदेशक बी आर मीणा राज्य स्तर पै सम्मानित किदा। सूत्रा रे अनुसार नर्सेज दिवस पे राज्य रे 17 नर्सिंग कर्मियां ने चिकित्सा कार्य में असाधारण सेवा देवा रे लिए राज्य स्तर पै सम्मानित किया गिया। इणरे रे अलावा अजमेर जिले सूं ही सीएमएचओ ऑफिस अजमेर में कार्यरत नर्स कमरजहा ने भी सम्मानित किया गिया ।
शिक्षक भर्ती : ओवरएज भी पात्र
अजमेर। आरपीएससी द्वारा ली जावा वाळी ग्रेड सेकंड टीचर्स भर्ती परीक्षा में ओवरएज अभ्यर्थी भी प्रविष्ट व्है सकेला। दरअसल, एचएम (मिडिल स्कूल) भर्ती परीक्षा रे बदले में शिक्षक भर्ती परीक्षा कराई जाणी है। एचएम परीक्षा लंबे समय सूं नी व्ही है। सरकार आयोग सूं क्यो है कि जो परीक्षार्थी एचएम परीक्षा रे पात्र हा और आवेदन किदा हा, वणाने शिक्षक भर्ती परीक्षा में भेळा किया जावै।
एंबुलेंस में विवाह
श्रीगंगानगर। अन्नक्षेत्र श्रीराम मंदिर में एक जोड़ा रो एंबुलेंस में विवाह व्यो। दूल्हा रे पग में एक्सीडेंट सूं फ्रेक्चर व्हे गयो हो। इणसूं वो एंबुलेंस सूं नीचे उतर पावा में असमर्थ हो। शादी री रस्म अठै ही पूरी कराई गई।
न्याय रे लिए कणी ने लंबी प्रक्रिया सूं नी गुजरणो पड़े: चीफ जस्टिस
पिंडवाडा। मुख्य न्यायाधीश अल्तमस कबीर पिंडवाड़ा में ग्राम न्यायालय रो लोकार्पण कीदो इण अवसर पर चीफ जस्टिस क्यो कि संगळा ने न्याय मिले इणरे लिए ग्राम न्यायालय रो कानून बण्यो है। कोर्ट आप तक पहुंचे और आप कोर्ट तक पहुंच सको, यो ही मकसद है। देश रे संगळा आदिवासी क्षेत्रा में अस्या न्यायालया री स्थापना व्हेला। ग्राम न्यायालय में न्याय करवा वाळा आदमी रो नाम न्यायाधिकारी राख्यो गयो है। पिंडवाड़ा ग्राम न्यायालय रो लोकार्पण करता चीफ जस्टिस कबीर व दूजा जज।
दिहाड़ी कर स्कूल री भणाई करवा वाळो बण्यो आईएएस
- बीकानेर रे चूनाराम री सिविल सेवा परीक्षा में २७०वीं रैंक
बीकानेर। जिले रे छोटा सा गांव केसर देसर में रेहवा वाळा चूनाराम जाट सिविल सेवा परीक्षा में 270वां स्थान प्राप्त किदो है। किसान उदाराम रे घर जन्म लेवा वाळा चूनाराम ने घर री आर्थिक तंगी रे कारण स्कूल री भणाई बीच में ही छोडऩी पड़ी ही। तंगहाली रे दौर में 10वीं और 12वीं री परीक्षा प्राइवेट दे’र उत्तीर्ण कीदी ही। परीक्षा और किताबा रेक खर्च रे लिए चूनाराम 50 रुपए रोज री दिहाड़ी में मजदूरी कीदी ही। गांव में मौजूद समाज रे लोग चूनाराम रे इण जज्बा ने देखता थका ग्रेजुएशन करावा रे लिए आर्थिक सहायता दी ही। चूनाराम इण तरह सूं ग्रेजुएशन किदी।
राजस्थान रेसांसदा सूंअपिल
राजस्थानी भाषा ने मान्यता नी वेवा सूं आई .ए .एस में राजस्थानी मोटियारपिछड़ रिया है ।
आई .ए .एस मुख्य परीक्षा में 2000 अंक में सूं 6 0 0 अंक दूजा प्रान्तां रे युवा ने आपणी मातृभाषा रै एच्छिक प्रश्नपत्र मिल जावै है परीक्षक विण भाषा रो जाणकार ही वेगा, वंडो जुड़ाव स्वाभाविक है, परीक्षार्थी जद आपणी भाषा में परीक्षा देवै है तो अन्य भाषा अंग्रेजी हिंदी या कोई री बजाय, आपणी भाषा पै अधिकार वत्तो वेवे है । या सुविधा देश रे दूजा प्रान्ता रै मोटियार ने आई .ए .एस .परीक्षा में है । राजस्थानी 8 वी अनुसूची में जुड़ जावा पै आई .ए .एस .में 2000 अंक में से 600 अंक रो राजस्थानी रो पेपर वेगा । 3 0 0 अंक रो राजस्थानी प्रथम 3 0 0 अंक रो राजस्थानी द्वितीय एवं राजस्थानी माध्यम चाहवा पै मिल सकेला । अस्यो वेवा पै एक बेच में जतरा राजस्थानी मोटियार सलेक्ट वेवे है वंडा 10 गुणा सलेक्ट वेगा । देश भर एवं दिल्ली सचिवालय में राजस्थानी आई .ए एस री भरमार वेगी, आप राजस्थान रा जन प्रतिनिधि है ,आप प्रदेश रे लिए आत्मघाती भूमिका क्यों निभा रिया है ? आप भाषा री मान्यता रे लिए पूरो सहयोग करो सा।
राजस्थानी भाषा रा गुजरात में प्रचार रे वास्ते व्ही बैठक
- सुरेन्द्र सिंह पोखरणा
परम आदरणीय गुजरात में रेवा वारा राजस्थानी भाई और बेहना
आप ने यो जानणे घणो हरक वेला कि गुजरात में रेवा वाळा लाखों राजस्थानी लोगा में राजस्थानी भाषा रे ज्यादा सूं ज्यादा प्रचार रे वास्ते अहमदबाद में रेवा वाळा कुछ प्रमुख सज्जना री बैठक रविवार १२ मई २०१३ के दिन राजस्थान हिंदी हाई स्कूल, शाहीबाग रे हाल में, सुबह १०:०० सु १२:०० तक राखी ही, अणी बैठक में राजस्थान विद्यापीठ, उदैपुर में राजस्थानी भाषा रै प्रोफेसर श्रीमान राजेंद्र सिंहजी बारहट, विचार विमर्श किदो और राजस्थानी भाषा रे प्रचार रे अर राजस्थानी भाषा री मान्यता रे वास्ते चाल रिया प्रयास पर सारगर्भित बखान दिदो |
प्रवासी साहित्यकार व आगीवाण सम्मान के लिए 31 तक प्रस्ताव आमंत्रित
बीकानेर। राजस्थानी भाषा साहित्य एवं संस्कृति अकादमी बीकानेर 70 वर्ष सूं वत्ती उमर रा साहित्यकारा ने प्रति वर्ष दिए जावा वाळा
आगीवाण सम्मान (11 हजार रु ), राजस्थानी भाषा, साहित्य संस्कृति तथा प्रवासी साहित्यकार सम्मान (51 हजार रु ) रे लिए 31 मई 2013 तक प्रस्ताव आमंत्रित किदा हैं। अकादमी सचिव पृथ्वीराज रतनू बताया कि प्रस्ताव वर्ष 2013-14 रे लिए आमंत्रित किया गया हैं। प्रस्ताव रे साथै लेखक रो जीवन परिचय भेजणो अनिवार्य है। कोई भी राजस्थानी साहित्यकार अथवा राजस्थानी साहित्य और संस्कृति सूं संबंधित संस्था, व्यक्ति अणा सम्मान रे लिए प्रस्ताव भेज सकै हैं। लेखक स्वयं भी आपणो नाम इण सम्माना रे लिए प्रस्तावित कर सकै है।
साहित्य अकादमी शुरू किदो डॉ. प्रभा खेतान पुरस्कार
जयपुर। साहित्यकार और नारीवादी लेखिका डॉ. प्रभा खेतान री स्मृति में अब राजस्थान साहित्य अकादमी री ओर सूं 'डॉ. प्रभा खेतान प्रवासी रचनाकार पुरस्कार' दियो जावेला। यो फैसला अकादमी री सरस्वती सभा री बैठक में लियो गयो। अकादमी अध्यक्ष वेदव्यास ने बताया कि प्रवासी राजस्थानी रचनाकारों ने आपणी माटी सूं जोडवा रे लिए यो पुरस्कार शुरू कियो गयो है। 31 हजार रुपए रा यो पुरस्कार हर साल दियो जावेला। 31 मई तक इणरी प्रविष्ठियां मांगी गई हैं।
सांस्कृतिक व शैक्षणिक स्पर्धावां रा विजेता पुरस्कृत
उदयपुर। राजस्थान कृषि महाविद्यालय (आरसीए) रो वार्षिकोत्सव धूमधाम सूं मनायो गयो। इणमें सांस्कृतिक, शैक्षणिक एवं खेलकूद प्रतियोगितावां रे विजेता प्रतिभागियों ने पुरस्कृत किदा। कार्यक्रम रे मुख्य अतिथि प्रोफेसर एस.एस. आचार्य, पूर्व अध्यक्ष, कृषि लागत एवं मूल्य आयोग भारत सरकार एवं विशिष्ट अतिथि प्रोफेसर बी.एस. चुंडावत, पूर्व कुलपति सरदार दांतीवाड़ा कृषि विश्वविद्यालय गुजरात हा। कार्यक्रम की अध्यक्षता महाविद्यालय रे अधिष्ठाता डॉ.एस.आर. मालू कीदी।
बतायो गयो कि सांस्कृतिक प्रतियोगिताओं रे एकल नृत्य में सुमन सनाढ्य, समूह नृत्य में आशुतोष एवं पार्टी, गायन में सद्दाम हुसैन, भजन में हिमांगी जोशी, लोक नृत्य में अल्का पंकज प्रथम रिया। शैक्षणिक गतिविधियों में स्नातक स्तर में प्रथम, द्वितीय एवं तृतीय स्थान अर स्नातकोत्तर एवं विद्या वाचस्पति में प्रथम एवं द्वितीय स्थान पर रिया कुल 88 विद्यार्थिया ने पुरस्कार सूं सम्मानित किदा। महाविद्यालय में आयोजित विभिन्न प्रकार री 17 खेलकूद प्रतियोगिताओं में 168 विद्यार्थियों ने पुरस्कृत किदा। संगळी प्रतियोगिता में उत्कृष्ट प्रदर्शन रे लिए बी.एस.सी. रे अमिन एवं एम.एस.सी. रे मनमीत सिंह एवं छात्रावां में सरोज कुमारी ने सर्वश्रेष्ठ घोषित किदा। साहित्य री प्रतियोगितावां में अंकेश एवं आशुतोष व फाइन आट्र्स में दिव्या चौहान ने अव्वल प्रदर्शन रे लिए पुरस्कृत किदा। महाविद्यालय रे विभिन्न खेलकूद रे 13 कैप्टन ने भी इण अवसर पे सम्मानित किदा।
कुदरत रे करीब है, इण वास्ते ही तो बेमिसाल है लेकसिटी री आबो-हवा
उदयपुर। झीलों रा शहर शहरकोट सूं अबै भले ही विस्तृत भू भाग में फैल ग्यो है, पण प्रकृति सूं नजदीकी अबार भी अठै री आबोहवा ने स्वच्छ राखै है। अरावली री गोद में बस्या शहर रे मध्य गुलाबबाग जस्यो मोटो उद्यान भी है। शहर में पर्यावरणप्रेमियों री सक्रियता भी पृथ्वी और पर्यावरण रे संरक्षण में मददगार बणी थकी है। विश्व पृथ्वी दिवस री पूर्व संध्या पे शहर रो विहंगम नजारो केमरा कैद कियो गयो।
बी-एबल द्वारा प्रमाण पत्र व नियुक्ति पत्र वितरण समारोह आयोजित
बाड़मेर। राजस्थान आजीविका कौशल विकास निगम द्वारा प्रायोजित अर बेसिक्स अकादमी फॉर लाईफलोंग एम्प्लोयिबिलिटी लिमिटेड (बी -एबल ) द्वारा संचालित रिटेल सेल्स कोर्स रे प्रथम बैच ने कोर्स रे सफल समापन पे ग्राम चौहटन में प्रमाण पत्र व नियुक्ति पत्र वितरण समारोह आयोजित कियो गयो |
इण अवसर पे वठे रा सरपंच मोहनलाल सोनी , उपसरपंच अजीत सिंह राठौड , डुंगरमल राठी(अध्यक्ष ,नेहरु नवयुवक मंडल ), शंकर लाल दहिया (जिला परिषद् ), आलोक पाण्डेय (महाप्रबंधक , जिला उद्योग केंद्र ), रिखबराज दाधीच अर केई ग्रामवासी व छात्र उपस्तिथ हा। इण कार्यक्रम में विद्यार्थियां रे माता पिता के समक्ष, सरपंच व दूजा अतिथिया रे कर कमलों द्वारा प्रमाण पत्र एवं नियुक्ति पत्र वितरित किया गया
ॐ शांति सेवा संस्थान ,निराश्रित एवं उपेक्षित वृद्धजना रो ''आश्रय''
-अशोक कुमार लोढ़ा
नसीराबाद1 युवा पीढ़ी रे लिए आज माता -पिता बोझ बणता जा रिया हैं। वड़ला री वा गैरी छाया, जो कदी जीवन रा कड़ा तावड़ा में आधार बणी ही, वा ही छाँया अबै वांने अंधारा रो आभास दिलावा लागै हैं। फेर वे पैहले तो वणारै साथै लापरवाहीपूर्ण व्यवहार करै पछे वणासूं नातो ही तोड़ लेवे। अस्या निराश्रिता रे लिए सहारो बणे है भीलवाड़ा में संचालित ‘ॐ शांति सेवा संस्थान द्वारा संचालित ''आश्रय'' नामक एक अस्यो वृध्दाश्रम, जो 21 मित्रा द्वारा सच्ची सेवा व समपर्ण भाव सूं लगभग 5 वर्ष पूर्व स्थापित कियो गयो। मंगरोप रोड, हरणी महादेव मंदिर रे समीप भीलवाडा रा इण वृध्दाश्रम ने ये मित्र बिना कणी सरकारी सहायता रे आपणे ही मित्र अर परिजन रे आर्थिक सहयोग सूं संचालित कर रिया हैं। ॐ शांति सेवा संस्थान रे मुकेश चोपड़ा बतायो कि वर्तमान में अठै 20 वर्द्धजन रैह रिया हैं, जणाने संगळी तरह री सुख-सुविधा निशुल्क उपलब्ध कराई जा री है और करीब 160 वर्द्धजन अठे रैह’र चल्या गया है अर वे आपणे बाळका रै साथै सम्मानित जीवन व्यतीत कर रिया हैं। संस्थान में वरिष्ट वर्द्धजन, जो कि निराश्रित एवं उपेक्षित है, वणारै आवास, भोजन, वाचनालय, मनोरंजन, मेडिकल चेकअप व आवश्यकता वेवा पे शल्य चिकित्सा री व्यवस्था भी निशुल्क है।
ॐ शांति सेवा संस्थान द्वारा संचालित ''आश्रय'' रे संचालक राजकुमार बुलिया बतायो कि कोई भी व्यक्ति आपणो आस-पास रे निराश्रित एवं उपेक्षित वर्द्धजन जिने ''आश्रय'' री आवश्यकता व्है तो इण संस्थान सूं संपर्क कर सकै है।संस्थान रो फ़ोन न.01482-290387 पै सूचना कर सकै है।
राजस्थान री बेटी स्तुति रो आईएएस में तीजो स्थान
नई दिल्ली/जयपुर। सिविल सर्विस परीक्षा-2012 रे ऑल इंडिया मेरिट लिस्ट में जोधपुर री बेटी स्तुति चारण ने तीजो स्थान मिल्यो है। स्तुति जोधपुर रे लाचू कॉलेज सूं बीएससी हैं। वणी दिल्ली सूं मैनेजमेंट में डिप्लोमा किदो है। यो वंडो तीजोरा प्रयास था। स्तुति फिलहाल अहमदाबाद में हैं। वंडा पिता रामकरण बारेठ राजस्थान स्टेट वेयरहाउसिंग कॉर्पोरेशन जयपुर में डिप्टी डायरेक्टर हैं। मां सुमन हिंदी री लेक्चरर हैं।
सिविल परीक्षा में चमक्या केई और राजस्थानी सितारा
गांवां सूं निकळिया ज्यादातर माटी रा लाल, कई तो नौकरी करता थका हासिल कीदी सफलता
जयपुर। संघ लोक सेवा आयोग की ओर सूं घोषित सिविल सेवा परीक्षा परिणाम में मोटी संख्या में राजस्थानी होनहार सफलता रो परचम फहरायो। कुछ तो नौकरी में रेवता थका तो कुछ पढ़ाई करता सीधे आईएएस बणवा में कामयाब व्या हैं।
ज्यादातर मोटियार गांवां सूं निकल’र परिवार रो नाम रोशन किदो है। राज्य रा 50 सूं वत्ता मोटियार सफलता हासिल कीदी। अणामूं 20-25 रे आईएएस-आईपीएस बणवचा री संभावना है।
ये प्रमुख है-
गौरव अग्रवाल, रैंक : 244वीं, जयपुर
- गंगाराम पूनिया, रैंक : 287वीं परबतसर, नागौर
-अनुराग सुजानिया, रैंक :304वीं, कोटा
-आलोक, रैंक : 361वीं, बांसवाड़ा
-पंकज कुमावत, रैंक : 371वीं किशनगढ-रेनवाल
-मुकेश भामू, रैंक : 410वीं, बलवंतपुरा (लोसल)
-अशोक कुमार, रैंक : 453वीं, फलौदी के नोखड़ा गोदारा निवासी
-पारूल पटावरी, रैंक : 483वीं ,जयपुर
-अशोक कुमार सुथार, रैंक : 505वीं , सांचोर, जालोर
-मनोज यादव, रैंक : 558वीं
-अनुराग दडिय़ा, रैंक : 589वीं, दडिय़ों का बास राजीव नगर, झुंझुनूं
-अभिषेक देवल, रैंक : 646वीं , राधाकिशनपुरा सीकर
-वेंकट राजा, रैंक : 661वीं , महेश नगर, जयपुर
-भागीरथ सिंह मीणा, रैंक: 723वीं ,राजगढ़, अलवर
-मदन मोहन मीणा, रैंक : 756वीं ,
-पुनीत बिजारणिया, रैक : 813वीं ,
-सुरेश कटारिया, रैंक : 831वीं ,फलौदी
-जयप्रकाश, रैंक : 913वीं ,कोटा में प्रशिक्षु आरपीएस हैं। बीदासर (कांट, झुंझुनूं)
-अजीत कुमार मीणा, रैंक : 943वीं ,
-डॉ. राजेश मीणा, रैंक : 975वीं ,राजगढ़, अलवर
राजस्थानी मान्यता मुद्दे पे केन्द्रीय गृह राज्यमंत्री रे जवाब ने गैर जिम्मेदाराना बताता थका किदी तीखी प्रतिक्रिया व्यक्त
पत्र की प्रति।
जयपुर। अखिल भारतीय राजस्थानी भाषा मान्यता संघर्ष समिति राजस्थानी मान्यता मुद्दे पे केन्द्रीय गृह राज्यमंत्री आर.पी.एन. सिंह रे जवाब ने गैर जिम्मेदाराना बताता थका तीखी प्रतिक्रिया व्यक्त कीदी।
बीकानेर सांसद अर्जुनराम मेघवाल द्वारा राजस्थानी भाषा ने मान्यता दिलवावा रे लिए संसद री सरकारी आश्वासन समिति री सभापति मेनका गांधी रे नाम लिख्या पत्र रे जवाब में गृह राज्यमंत्री आरपीएन सिंह मेघवाल ने आपणे अर्धशासकीय पत्र रे माध्यम सूं अवगत करवायो है कि आठवीं अनुसूची में वर्तमान में 22 भाषावां ने मान्यता दी गई है तथा 38 भाषावां री मान्यता री मांग लम्बित है। पत्र में या भी जानकारी दी गई है कि गृह मंत्रालय एक अंतर मंत्रालयी समिति बणाई है जो सीताकांत महापात्रा समिति री सिफारिशों सहित सुझाव दे’र भाषावां ने आठवीं अनुसूची में भेळी करवा रा मापदण्ड तय करेला। केन्द्रीय गृह राज्यमंत्री रे पत्र में सरकार री गैर जिम्मेदारी झलकै है।
समिति रो कैणो है कि 17 दिसम्बर 2006 ने लोकसभा में गिरधारी लाल भार्गव, डॉ. कर्णसिंह यादव व रासासिंह रावत रे सवाल रे जवाब में तत्कालीन गृह राज्यमंत्री श्रीप्रकाश जायसवाल कयो हो कि राजस्थानी और भोजपुरी री मान्यता रे लिए सैद्धांतिक सहमति सरकार में व्हैगी है और बजट सत्र फरवरी 2007 में विधेयक पेश व्है जावेला तथा सरकार इणरे लिए कृतसंकल्प है। सैद्धांतिक सहमति वेवा रे बाद 38 भाषावां री बात आवा यो साफ है कि गृहमंत्रालय आपणी ही घोषणा सूं मुकर रियो है। अखिल भारतीय राजस्थानी भाषा मान्यता संघर्ष समिति आश्वासन समिति सूं मांग करी है कि अगर समिति री कोई संवैधानिकता है तो वा सरकगैर जिम्मेदाराना व्यवहार पे गंभीर कार्यवाही करे।
राजस्थानी री जो बात करेला वो ही राजस्थान पे राज करेगा ..बारहट
-चंदन सिंह भाटी
 बाड़मेर। अखिल भारतीय राजस्थानी भाषा मान्यता संघर्ष समिति रे प्रदेश महामंत्री राजेंद्र सिंह बारहट बतायो कि आगामी चुनावां में राजस्थानी भाषा ने संवेधानिक मान्यता मुख्य मुद्दा वेगा, जो राजस्थानी री बात करेगा, वो ही राजस्थान पे राज करेगा। बारहट आठ नौ जून ने बाड़मेर में आयोजित वेवा वाळा राजस्थानी भाषा साहित्य और संस्कृति महोत्सव री तैयारियों रो जायजा लेवा रे दौरान डाक बंगळा आयोजित पत्रकार सम्मलेन ने संबोधित कर रिया हा। वणा सवाल किदो कि राजस्थान री संस्कृति और भाषा री बात रे बगैर कस्यो सुराज व्है सकै है , वणा कयो कि राजस्थानी री बात अबै राजनीतिज्ञा ने करणी पड़ेला अबै जनता आपणी भाषा ने संवेधानिक मान्यता दिलावा रे लिए जाग गी है, वणा यो भी कयो कि जद नरेन्द्र मोदी गुजराती में भाषण दे’र गर्व महसूस कर सकै है तो मुख्यमंत्री अशोक गहलोत और भाजपा प्रदेशाध्यक्ष वसुंधरा राजे ने राजस्थानी में भाषण देवा में शर्म क्यूं आवै है, वणा कयो कि जो नेता राजस्थान री भाषा और संस्कृति ने अपणा नी सकै, वणाने राज करवा रो कोई अधिकार नी है।
वेदांता री ‘खुशी’ व्ही
1 साल री हजारो वंचित बाळकां रे मुंडे नजर आई खुशी
उदयपुर । कुपोषण रा शिकार और वंचित बाळकां ने सुविधावां जुटावा री जागरूकता रे लिए वेदांता ग्रुप द्वारा शुरू किया गया सोशल मीडिया अभियान खुशी एक साल पूरो कर लिदो है। इण अवधि में व्या प्रयासा सूंहजारों बाळकां ने राहत री मुस्कान मिली है। अभियान री संकल्पना करवा वाळा वेदान्ता समूह रा हेड-कॉर्पोरेट-कम्युनिकेशन पवन कौशिक बतायो कि वेदांता तमिलनाडु में एक स्थानीय गैर सरकारी संगठन रे साथै जुड़’र नील गिरि क्षेत्र में 700 बाळकां ने मदद दीदी। 'खुशी' उदयपुर में यूएस रे 'स्माइल ट्रेन' संगठन एवं जीबीएच अमेरिकन अस्पताल रे साथै मिल’र 2500 बाळकां रे होंठ व तालू रे ऑपरेशन रे लिए अभियान शुरू किदो। जणी ऑपरेशन रे लिए 12 से 15 हजार रुपया खर्च व्है हैं, वो अबै वणारे लिए नि:शुल्क है। अबै तक देशभर सूं तकरीबन 60 ऑपरेशन किया जा चुक्या हैं।
ओशिन इंडियन आइडल में चयनित
उदयपुर। शहर सूं 12 वर्षीय ओशिन शर्मा रा चयन सोनी चैनल पे प्रसारित इंडियन आइडल जूनियर में व्यो है। ओशिन टॉप 80 में चुणियो गयो है। भट्टीयानी चौहट्टा निवासी ओशिन सेंट्रल पब्लिक स्कूल में 8वीं रो छात्र है और राजस्थान सूं चयनित चार प्रतिभागियों में सूं एक है। ओशिन रे अनुसार वणी दिल्ली में ऑडिशन दियो हो। अबै वो 6 मई ने मुंबई में वेवा वाळा मेगा ऑडिशन री तैयारी कर रियो है। वो इण शो रे ऑडिशन रे लिए पाछाला तीन साल सूं तैयारी कर रियो है।
कैई देशा री दवा नीति बणावेगा राजस्थान
डब्ल्यूएचओ नि:शुल्क दवा वितरण योजना री सराहना करता थका सौंपी जिम्मेदारी
जयपुर। बुखार, खांसी, जुकाम सहित दूजी आम बीमारिया रे लिए जो सरकारी जेनेरिक दवाएं मामूली कीमत में मिलै हैं, वेही ब्रांडेड रे नाम पै कैई गुणा दरों पै बिकै हैं। हृदय रोग में काम आवा वाळी एथेनोलोल री जो जेनेरिक 14 टेबलेट महज 1.46 रु. में मिलै है, वणी’ज साल्ट सूं बणी ब्रांडेड दवा 40-45 रु. में बिक री है। कैंसर रे जिण पैक्लीटेक्सल इंजेक्शन री कीमत 338.66 रु. है वा बाजार में ब्रांड के नाम पै 4300-4500 रु. में बिकै है।
राजस्थान दक्षिण-पूर्वी एशियाई देशा रे लिए दवा नीति रो ड्राफ्ट तैयार करेला। प्रदेश में निशुल्क दवा वितरण योजना री सराहना करता थका विश्व स्वास्थ्य संगठन (डब्ल्यूएचओ) राजस्थान मेडिकल सर्विसेज कॉर्पोरेशन (आरएमएससी) ने या जिम्मेदारी सौंपी है। कॉर्पोरेशन इण देशा रे मरीजां ने बेहतर चिकित्सा उपलब्ध करावा रे लिए दवा सप्लाई रो विस्तृत प्रस्ताव तैयार करेला। बैंकाक में आयोजित डब्लूएचओ रे क्षेत्रीय सम्मेलन में राज्य में चाल री निशुल्क जेनेरिक दवा योजना री सराहाना किदी और इने दूजा देशा रे लिए भी सफल मॉडल बतायो।
राजस्थानी छोरे रो कमाल, 20 साल री उम्र में लिख दी CA और CS री किताबां
चार्टर्ड अकाउंटेंट निखिल मेहता 20 साल री उम्र में दो पुस्तकां लिखी हैं। ये दोई किताबां बाजार में आ चुकी हैं। ‘कंपनी लॉ’ सीए इंटर्न रे पाठ्यक्रम रे लिए उपयोगी है। दूजी किताब ‘लॉ एथिक्स एंड कम्यूनिकेशन’ सीएस एग्जीक्यूटिव रे पाठ्यक्रम में पढ़ाई जावेला।
भीलवाड़ा में बणेगा मिनी सचिवालय
अलवर रे बाद अबै भीलवाड़ा में भी मिनी सचिवालय बणायो जावेला। इणरे लिए करीब 4500 एकड़ भूमि री जरूरत वेगा। इणमें संगळा सरकारी कार्यालयां ने एक ही भवन में लावा रे साथै ही अधिकारियां और कर्मचारियां रे लिए पास में ही आवास भी बणाया जावेला। नगरीय विकास एवं स्वायत्त शासन विभाग रे अतिरिक्त मुख्य सचिव जी. एस. संधू री अध्यक्षता में व्ही बैठक में या जानकारी दी गई।
रिश्तों का 'ट्रांसप्लांट'
शेखावाटी री साबिरा पति रे बजाय केन्याई महिला एस्थर ने दी दी किडनी, एस्थर री बैण बणी साबिरा रे पति रे लिए किडनी डोनर
जयपुर । सीकर रे रामगढ़ शेखावाटी री रहवा वाळी साबिरा खोकर रे पति आरिफ खोकर री किडनियां पाछले साल अप्रैल में काम करणो बंद कर दिदो हो। साबिरा पति ने किडनी देणो चाचती ही। मलाड स्थित एक डायलेसिस सेंटर पै वंडी मुलाकात दो केन्याई बैणा सूं व्ही। केन्या री एन गिथिंजी अठे आपणी बैण एस्थर री किडनी ट्रांसप्लांट रे लिए आई ही, ग्रुप मैच नी वेवा सूं एन आपणी बैण एस्थर ने किडनी नी दे सकती ही। साबिरा पति ने किडनी देवा रे लायक ही, पण डॉक्टरा री सलाह पै साबिरा एस्थर ने किडनी देवा रो का फैसला किदो। वठीने, एन री किडनी रो ग्रुप आरिफ सूं मैच कर रियो हो। अस्या में दोई परिवार एक-दूजा रे मरीजा ने किडनी देवा रो फैसला लियो। हालांकि राज्य स्तरीय अंग प्रत्यारोपण ऑथोराइजेशन कमेटी री मंजूरी लेवा में परिवारा ने १० महीना लाग ग्या
मुखाभिनय सूं परमाणु शक्ति केंद्र रो विरोध
जोधपुर।कोलकाता सूं आया सुशांत दास मुखानिभय री प्रस्तुति दे’र भारत में खुलवा वाळे परमाणु शक्ति केंद्र सूं वेवा वाळे नुकसाण रे बारे में बतायो, साथ ही इणरो विरोध भी किदो। वणा आपणी जीवंत प्रस्तुति ने नाम दी टेल ऑफ लिटिल फिश दियो।
भाषा रे वना संस्कृति री कल्पना कोरी : डॉ. शाह
 उदयपुर।‘राजस्थानी भाषा राजस्थान रे लोगां री मातृभाषा वेवा रे लारे ही राजस्थानी संस्कृति री पहचाण भी है। भाषा लोगा ने बांध’र राखे है। भाषा ही संस्कृति ने आगे ले जावे है।‘ ये विचार राजस्थान एसोसिएशन ऑफ नॉर्थ अमेरिका (राना) रे उपाध्यक्ष एवं प्रसिद्ध यूरोलॉजिस्ट डॉ. शशि शाह व्यक्त किदा। वे ३० जनवरी ने अठे डॉ. मोहनसिंह मेहता मेमोरियल ट्रस्ट री ओर सूं आयोजित क्रसंवादञ्ज ने संबोधित कर रिया हा। वणा क्यो के भाषा रे वगर राजस्थान री संस्कृति री कल्पना कोरी है।
मेघवाल समाज रो सातवों सामूहिक विवाह व प्रतिभा सम्मान समारोह २८ फरवरी ने
 २८.०२.२०१३ सोमवार ने भावना मेघवाल मेमोरियल ट्रस्ट रो सामूहिक विवाह समारोह पोलोटेक्निक कॉलेज रे आंगणा मे आयोजित वेगा, जिणमें १९ जोड़ा रो सामूहिक विवाह सम्पन्न व्हेला।। इस समारोह में चार छात्रावां ने भावना अवार्ड सूं सम्मानित भी कियो जावेगा, जिणमें ११,००० रू. नगद व प्रमाण पत्र, स्मृति चिन्ह, शॉल इत्यादि व्हेला। इण समारोह में मुख्य अतिथि एवं वक्ता श्री ब्रहमदेव महाराज संस्थापक अन्ध विद्यालय श्रीगंगानगर व्हेला और कार्यक्रम री अध्यक्षता बीकानेर सांसद अर्जुन राम मेघवाल करेला।
बजट सत्र में राजस्थानी भाषा ने संविधान री आठवीं अनुसूचि मे सम्मिलित करवा रो बिल पेश कर पारित करवायो जावें: अर्जुनराम मेघवाल
 राजस्थान प्रदेश मे कांग्रेस चिंतन शिविर मे राजस्थान रा महत्वपूर्ण मुद्दा रो ध्यान नी राख्यो गयो। आगामी लोक सभा रे बजट सत्र में राजस्थानी भाषा ने संविधान री आठवीं अनुसूचि मे सम्मिलित करवा रो बिल पेश कर पारित करवायो जावें। म्हारा द्वारा राजस्थानी भाषा रे लिए संसद में गैर सरकारी निजी विधेयक पूर्व मे पेष किदो तको हाल तक लम्बित है,
ण पर भी चर्चा करवाकर पारित करवायो जा सके। अगर सरकार आपणी ओर सूं कोई विधेयक ला’र राजस्थानी भाषा ने मान्यता देवे है तो मैं आपणे गैर सरकारी निजी विधेयक ने पाछो लेवा री घोषणा करु हूं।
दर्जन भर जिन्दा बम मिलने से सनसनी
बाड़मेर। शहर में एक-दो नी करीब एक दर्जन सूं भी वत्ता जिन्दा बम मिलवा सूं सनसनी फेल गी। बाड़मेर रे लक्ष्मी नगर आकाशवाणी रे आगे स्थित बॉर्डर होमगार्ड कार्यालय में स्टेडियम निर्माण कार्य शुरू वेवा रे केड़े जद मैदान सफाई कार्य शुरू कियो गयो तो रेत के नीचे बक्सा में पुराने जंग लागा केई बम वठे दबया तका मिल्या। मजदूर बम मिलवा रे बारे में होमगार्ड रे अधिकारियां ने भी जानकारी दीदी, कोतवाली थाना पुलिस ने भी इणरी सूचना दी गई।
दुनिया रो एक मात्र मंदिर जठे महिला पुजारी करे है पूजा
जैसलमेर। आपणी अनूठी संस्कृति और परम्परवां रे निर्वहन रे लिए जाण्यो जावा वाळा जैसलमेर जिले में स्थानीय लोक देवता क्षेत्रपाल रो अनूठो मंदिर जठे पूजा परम्परागत रूप सूं माली जाति री लुगाया करे है यो अनूठा मंदिर जिला मुख्यालय सूं छ: किलोमीटर छेटी है जठे स्थानीय वासिंदा ब्याव रे बाद कोंकण डोरा खोलवा आवे है।
'राजस्थानी रै बिनां गूंगो राजस्थान' गांधी सर्किल पर मुखपत्ती सत्याग्रह
जयपुर। अखिल भारतीय राजस्थानी भाषा मान्यता संघर्ष समिति की ओर सूं गत दिवस राजस्थान विश्वविद्यालय रे कने गांधी सर्किल पे मुखपत्ती सत्याग्रह कियो गियो। समिति के प्रदेश प्रवक्ता डॉ. वेदप्रकाश शर्मा रे अनुसार गांधीजी रो केणों हो कि जो बाळक आपणी मातृभाषा रे बजाय दूजी भाषा में शिक्षा ग्रहण करे हैं वे आत्महत्या ही करे हैं। जबकि प्रदेश व देश री गांधीवादी सरकार वणारे विचारा री अवहेलना तथा मातृभाषा राजस्थानी री उपेक्षा कर रही है। समिति रे कार्यकर्ता गांधीजी री प्रतिमा रे सामे 'राजस्थानी रै बिनां गूंगो राजस्थान' लिखी पट्टी मुण्डा पे लगाकर बैठिया।
कवि सम्मेलन सूं उठी राजस्थानी भाषा ने मान्यता देवा री मांग
एसके कॉलेज में गुरुवार को कवि सम्मेलन में राजस्थानी भाषा रे कवि विनोद स्वामी मंच पे कवितावां रे जरिए राजस्थानी भाषा री ताकत बताई और २२ फरवरी, मातृ भाषा दिवस पे युवाओं सूं अरज किदी के वे इण दिन मांग ने मजबूत करवा रे लिए आंदोलन करें। वणा क्यो के एकेडमिक तौर पे मोटियारा ने गलत जानकारियां दी जा री है। किताबां में भी राजस्थानी बारे में वत्तो कई नी है। जबकि राजस्थानी भाषा री ७३ बोलियां है। स्वामी राजस्थानी भाषा रे लिए अबार तक साढ़े तीन हजार सूं वत्ता गांवां रो दौरा कर चुक्या हैं।
’थपक्या देती मावड़ी' रो विमोचन
 मेदपाट साहित्य संगम रे संस्थापक अध्यक्ष चावंड सिंह राणावत द्वारा नवसृजित राजस्थानी दोहा सतक 'थपक्या देती मावड़ी' रो विमोचन कियो गया। मेदपाट साहित्य संगम रे सचिव आइना उदयपुरी बतायो कि पौथी रो विमोचन गत दिवस शंभू निवास पैलेस रे सभागार में महाराणा मेवाड़ फाउंडेशन रे चेयरमैन अरविंद सिंह मेवाड़ किदो।
कुंभलगढ़ में वॉक फॉर वॉल
राजसमंद। कुंभलगढ़ दुर्ग पे वॉक फॉर वॉल रे तहत १५ किलोमीटर लंबी दीवार पे दौड़ में २८३ प्रतिभागी भाग लिदो। फिल्म अभिनेता सुनील शेट्टी बेलून उड़ा’र प्रतिभागिया री रवानगी करवाई, वणारे लारे मिराज ग्रुप रा मदन पालीवाल भी मौजूद थे। स्पर्धा में सिरोही रा सतीश वैष्णव अव्वल रिया। वणा दौड़ १ घंटा २९ मिनट में तय कीदी। भीम रा गोवर्धनराम भील दूजा स्थान पे रिया।
९ फरवरी ने अकादमी मनावेला बावजी चतर सिंह री जयंती
सलूंबर। स्थानीय साहित्यिक एवं वैचारिक मंच सलिला संस्था री ओर सूं ९ फरवरी ने राजस्थानी भाषा साहित्य संस्कृति अकादमी रे साझे में बावजी चतरसिंह री जयंती मनावा रो निर्णय लिदो। यो निर्णय अकादमी री गत दिवस सम्पन्न व्ही गोष्ठी में लियो गया। गोष्ठी में शिव नारायण आगाल, यशवंत शर्मा, जगदीश भंडारी व वाजिद खान, नंदलाल परस रामाणी और डॉ. विमला भंडारी भाग लीदो।
राजपूत स्वाभिमान सम्मेलन में उठायो राजस्थानी भाषा री मान्यता रो मुददो
 जयपुर। अमरूदों के बाग में रविवार ने करणी सेना रे नेतृत्व में राजपूत स्वाभिमान सम्मेलन व्यो। इण सम्मेलन में हजारों री संख्यां में लोग-लुगाई भेळा व्या। राजस्थानी भाषा संघर्ष समिति रे प्रदेश महामंत्री श्री राजेन्द्र सिंह बारहठ बतायो कि अणी सम्मेलन में राजस्थानी भाषा री मान्यता रो मुददो प्रमुखता सू उठायो गयो।
'नारी ने कोई कह ना पाए अबला है, बेचारी है
 कोमल है कमजोर नी, शक्ति रो नाम ही नारी है। बीकानेर री एक मार्शल आर्ट स्कूल में कराटा सीख री छोरिया २०१३ री आगवानी में कुछ अस्यो ही संदेश दिदो आपणे शरीर ने खास अंदाज में मोड़ और जोड़’र धरती पर लिखा- 'सबला-२०१३।
बेनीवाल राजस्थानी चिंतन परिषद् के जिला संयोजक मनोनित
 बाड़मेर अखिल भारतीय राजस्थानी भाषा मान्यता संघर्ष समिति रे घटक राजस्थानी चिंतन परिषद् रे जिला संयोजक पद पे प्रदेश महामंत्री राजेन्द्र सिंह बारहट रे निर्देशानुसार सोनाराम बेनीवाल ने मनोनित किदा। संभाग उप पाटवी चन्दन सिंह भाटी बतायो कि बेनीवाल रे जिला संयोजक मनोनित वेवा सूं बाड़मेर में राजस्थानी भाषा री मान्यता रे लिए चलाया जा रिया अभियान ने और मजबूती मिलेगा।
दिल्ली पुलिस सीखे बाड़मेर पुलिस सूं
बाड़मेर। जिले में कुछ दिना पेली घटित व्या गेंग रेप रे मामला ने तीन दिन में निपटा’र देश और विशेष कर दिल्ली पुलिस रे सामे मिशाल कायम करी है। बाड़मेर पुलिस अधीक्षक राहुल बारहट रे नेतृत्व में विशेष जांच अधिकारी नियुक्त किदा। पुलिस उप अधीक्षक नाजिम अली खान अणी मामले ने गंभीरता सूं लेता तका मामला रे तीन ही आरोपियां ने गिरफ्तार कर लिदा अर जांच अधिकारी अणी मामले री जांच कर संगळा सबूत जुटा लिदा।
छः वर्ष सूं बिछडि़यो विक्षिप्त व्यक्ति आपने परिवार सूं मिल्यो
जैसलमेर। जैसलमेर पुलिस मानवीय संवेदना परिचय देता तका एक मानसिक विमंदित व्यक्ति ने छः साल बाद विणरे परिवार सूं मिलायो। पुलिस अधीक्षक ममता राहुल बताया कि विक्षिप्त व्यक्ति रे वारिशान सूं सम्पर्क करियो और वणी व्यक्ति ने विणरे परिवार ने सोंप्या।
राजस्थान साहित्य अकादमी री ‘पांडुलिपि प्रकाशन सहयोग योजना
उदयपुर। राजस्थान साहित्य अकादमी री ‘पांडुलिपि प्रकाशन सहयोग’ योजना रे तहत अणी साल 55 पांडुलिपियों रे लेखकां ने 5.85 लाख रुपए सहयोग राशि मिलेला। अकादमी अध्यक्ष वेद व्यास बताया कि सात लेखका रे वास्ते 15-15 हजार तथा 48 लेखका रे वास्ते 10-10 हजार रुपया री सहयोग राशि स्वीकृत करी गई है।
तेल उत्पादन में अव्वल बनेगा राजस्थान
 जयपुर। केन्द्र सरकार राजस्थान रे बाड़मेर सूं रोजाना तीन लाख बैरल कच्चो तेल निकाळवा री अनुमति दे दी है। इसरे साथ ही राजस्थान अणी साल कच्चे तेल उत्पादन में अव्वल व्है जावेला। अबार देश में सबसूं वत्तो 2.50 लाख बैरल कच्चो तेल बाम्बे हाई सूं निकाळियो जा रियो है। बाड़मेर ऑयल फील्ड सूं अघिक तेल निकालने रे लिए केयर्न इंडिया तैयारी शुरू कर दी है। अबार अणी क्षेत्र सूं रोजाना 1.75 लाख बैरल तेल निकाळियो जा रियो है।
दिल का दर्द मिटाने में जयपुर देश में नंबर 2
 जयपुर। दिल रे इलाज रे मामले में जयपुर रो सवाई मानसिंह अस्पताल देश भर रे सरकारी अस्पताला ने पछाड़’र दूजा नंबर ने पहुंच गियो है। वरस 2012-13 में सवाई मानसिंह अस्पताल रे सीटी सर्जरी विभाग में 911 मरीजों री ओपन हार्ट सर्जरी करी गई और दिल री दूजी सर्जरियां रा आंकड़ा 1027 है। सबसूं वत्ती हार्ट सर्जरी मुंबई स्थित किंग्स एडवर्ड मेमोरियल मेडिकल कॉलेज में वेवे हैं। अणी लिहाजा सूं एसएमएस रे सीटी सर्जरी विभाग ने दिल रे इलाज रे मामले में दूसरे नंबर पर माना गयो है।
गुजरात रे आसमान पे राजस्थानी इतिहास, संस्कृति और परंपरा री झलक
उदयपुर। सकरात पे भले ही लेकसिटी में पतंगा नहीं उड़े , पण उदयपुर रे पतंगबाज इंटरनेशनल काइट फेस्टीवल में करतब दिखावेला। गुजरात रे आसमान पे राजस्थानी इतिहास, संस्कृति और परंपरा री झलक दिखेला। अस्यो करवा वाळा व्हेला शहर रे पतंगबाज, जो गुजरात में वेवा वाळा काइट फेस्टीवल में हिस्सो लेवेला। यो पेहला मौका है, जद कणी राज्य में पतंगा रे माध्यम सूं मेवाड़ री संस्कृति रो प्रदर्शन व्हेगा।
बाजार रे दबाव वाळा अणी दौर में भाषा ने सहेजणो घणो जरूरी
बाजार रे दबाव वाळा अणी दौर में भाषा ने सहेजणो घणो जरूरी है।ये विचार प्रो. ओ.पी. देवल भाषा शोध एवं प्रकाशन केंद्र री ओर सूं टीआरआई परिसर में व्ही कार्यशाला रख्या। कार्यशाला में देशभर रा भाषाविद आया । गौरतलब है कि भाषा केंद्र देश भर में पीपल्स लिंग्विस्टिक सर्वे कर रियो है।णमें देश री संगळी जनजातिया, घूमंतू और विमुक्त जातियां द्वारा बोली जावा वाळी संगळी भाषावां रो सर्वे व्है रियो है। यो सर्वे सही मायने में एक जन-अभियान है। इससूं भाषावा जिवती रेवेला अर राजस्थानी भाषा ने भी सहयोग मिलेला।
आग बुझाती दिखेंगी फायर वुमन
कोटा। अबार तक मनखा रे एकाधिकार वाली फायर सर्विस में भी अबे लुगाया रो दखल व्हेला। देश में पहली बार राजस्थान सरकार फायर सर्विस में फायरमैन री भर्ती में लुगाया ने भी शामिल किदी है। आका प्रदेश में 155 महिलावां री भर्ती करी जावेला, जिणरी प्रक्रिया जयपुर में चाल री है। प्रदेश में 513 रिक्त पदा ने भरवा रे लिए आवेदन मांग्या गिया हैं।
बेटी बेटा सूं कठे कम
 चारभुजा (राजस्थान)। खेत में चारो काटता समै सोहन सिंह पे भालू हमलो कर दिदो। कन्ने ही मौजूद बेटी मंजू हंसली सूं भालू पे जवाबी वार किदो अर थोड़ी देर री गुत्थमगुत्था रे बाद भालू भाग गियो। सोहन सिंह री जान बच गी पण मंजू रो एक हाथ भी फ्रैक्चर वहै ग्यो। या घटना बतावे है कि बेटी कणी भी हालत में बेटा सूं कम नी व्है।
बेटियों रो आदर्श गाँव सनावाडा
बाड़मेर। सरहदी बाड़मेर जिला मुख्यालय सूं मात्र पचीस किलोमीटर नेशनल हाई वे १५ पर स्थित सनवाडा और डुगेरो का तला अस्या गाँव हैं जठारी बेटियां री प्रगति संगळा भारत रे सामें आदर्श प्रस्तुत करे है ,अणा दोई गाँवा में एक भी स्कूल जावा योग्य बालिका शिक्षा सूं वंचित नहीं हें ,अणा गाँवा री स्कूलां में भणवा वाली बालिकावां पढाई में ही नी अपितु खेल रे मैदान में भी देश भर में बाड़मेर और राजस्थान रो नाम रोशन कर रही हें ,,बाड़मेर जस्या पिछड़ा जिला में बेटियां रे अणी गाँव ने राज्य सरकार द्वारा मोडल गाँव रे रूप में चयन कर ब्रांड एम्बेसेडर घोषित करणो चावे ताकि अन्य जिला और गाँव इणसूं प्रेरणा ले सके
नावड़ा टीले पे आहड़ संस्कृति बस्ती मिली
उदयपुर। जिले री सराड़ा तहसील रे गांव नावड़ा में आहड़ सभ्यता री बस्ती रा संकेत मिल्या हैं। गोमती नदी रे कन्ने नावड़ा में यो नवी साइट टापू पे है। इणरो खुलासो विद्यापीठ रे साहित्य संस्थान री पुरातत्व विशेषज्ञ टीम रे सर्वे में व्यो। सर्वे में डॉ. कुलशेखर व्यास, रघुवीर देवड़ा, कृष्णपाल सिंह, समीर, भगवानदास तथा देवेंद्र शामिल हा।
ई-पुस्तक के लोकार्पण समारोह रो आयोजन
श्रीलाल जोशी के सद्य प्रकाशित कविता संग्रह और अंतरजाल-पृष्ठा रे अंतर्गत जारी ई-पुस्तक रो लोकार्पण समारोह रो आयोजन मुक्ति संस्थान द्वारा कवि विनोद रे पवनपुरी स्थिति आवास पर कियो गया । संग्रह री कवितावां पे मुख्य वक्ता के रूप में आपणे पत्र वाचन में कवि आलोचक डॉ. नीरज दइया कियो कि कवितावां में व्यंजित भावार्थ में आपणे आस-पास रे पर्यावरण और अनुभव ने सकारात्मक रूप सूं संजोवा में कवि सफल रिया।
कन्हैयालाल भाटी(१९४२-२०११) चावा ठावा कहाणीकार अर अनुवादक : नीरज दइया
“कन्हैयालाल भाटी री कहाणियां” (संचै : नीरज दइया) मैलिक कहाणी-संग्रै अर गुरुदेव रवीन्द्रनाथ टैगौर रौ उपन्यास “जोगाजोग” (अनुवाद) रै अलावा हिंदी में “उसके लिए” (गुजराती उपन्यास, डॉ. नगीन मोदी), “आतस” (गुजराती उपन्यास, वर्षा अडालजा), “आओ प्रयोग करें” (चार भाग) “एक दुनिया मेरी भी” (राजस्थानी कहाणी-संग्रै, सांवर दइया) आद पोथ्यां प्रकासित। अनेक रचनावां देस री ख्यातनांव पत्र-पत्रिकावां में प्रकाशित अर केई रचनावां-पोथ्यां अजेस अणछपी।
स्व. श्री कन्हैयालाल भाटी री नवी पोथी "अणसार" (गुजराती मूल : वर्षा अडालजा) राजस्थानी में प्रकाशित व्हैरी है। अठे अनुरोध है कि वणारे अनुवाद कार्य और मौलिक राजस्थानी कहाणी लेखन रे विषय में यदि चावो तो आपणे अभिमत प्रदान करो.... घणै मान सूं अरज है। —
दबाव बणाया वना मायड़ भाषा ने मान्यता नी मिलेला: भंडारी
केंद्र सूं भोजपुरी रे लारे राजस्थानी ने भी मान्यता रो आग्रह
जोधपुर। अखिल भारतीय राजस्थानी मान्यता संघर्ष समिति रे अंतरराष्ट्रीय संयोजक प्रेम भंडारी मायड़ भाषा राजस्थानी ने मान्यता दिलावा रे लिए राजनीतिक दबाव बणावा री अपील करी है। वणा कियो कि वना दबाव रे मायड़ भाषा ने मान्यता नी मिलेला, इणरे वास्ते राज्य रा संगळा दल केंद्र सरकार पे दबाव बणावे। भंडारी बतायो कि 12 दिसंबर ने भोजपुरी अकादमी बिहार रा अध्यक्ष प्रो. रविकांत दुबे केंद्रीय गृह सचिव आर.के. सिंह सूं मुलाकात करी और भोजपुरी भाषा ने संवैधानिक दर्जा देवा रे लिए 150 पाना रो दस्तावेज सौंप्यो । मीडिया क्लब रे महासचिव कुलदीप कुमार ने गृह सचिव बतायो कि अणा दस्तावेज रे केड़े भोजपुरी ने संवैधानिक दर्जो मिलवा में आयरी तकनीकी बाधावा छेटी व्हैगी है। भंडारी बतायो कि सीताकांत महापात्रा कमीशन राजस्थानी और भोजपुरी दोई भाषावा ने ही संविधान री ८वीं अनुसूची में शामिल वेवा री पात्र मानी ही। इण वास्ते भोजपुरी रे लारे राजस्थानी ने भी मान्यता मिलनी चावे। भंडारी केंद्रीय गृह सचिव ने पत्र लिख’र बतायो कि राजस्थानी दस करोड़ लोगा री भाषा है।
णमें 4 लाख हस्तलिखित पोथियां व पुस्तकां हैं। राजस्थानी भाषा में 4 लाख शब्द हैं और 2 लाख 10 हजार शब्दां रो एक शब्दकोष भी है।
ने मान्यता मिलनी ही चावे।
भंडारी लिख्यो- राजस्थानी सुदृढ़ भाषा है, बोली नहीं
भंडारी आपणे पत्र में लिख्यो है कि कुछ लोग राजस्थानी ने बोली केय’र भ्रम फैला राख्यो है कि यह ढूंढ़ाड़ी, मेवाड़ी, हाड़ौती, मारवाड़ी और मेवाती आदि रो मिश्रण है। पण, या स्थिति तो हिंदी सहित संगळी भाषावां री है। हिंदी री 43, मराठी री 65, तेलुगू री 36, तमिल री 22, कन्नड़ री 32, बंगाली री 15 और गुजराती री 27 बोलियां हैं। भाषा वैज्ञानिकों रे अनुसार जिण भाषा री ज्यादा बोलियां वेवे है, वा वतरी ही समृद्ध और सामर्थ्यवान मानी जावे। यो ही नी, संविधान री आठ भाषावां री लिपि देवनागरी मानी गी है और राजस्थानी री लिपि भी देवनागरी ही है।
आहाड़ जस्या एक और पुरास्थल री खोज
उदयपुर जिले में आहाड़ सभ्यता जतरा ही पुराणा एक और पुरास्थल री खोज व्ही है। यो स्थान जयसमंद झील रे भड़े रामलापाड़ा गांव में मिल्यो है। इने जूनी झाड़ोल भी केवे है।साहित्य संस्थान रा निदेशक डाक्टर जीवन खरकवाल रे निर्देशन में सोम अर वंडी सहायक नदियां रे सर्वेक्षण में करीब 10-11 हैक्टेयर क्षेत्र में फैल्यो टीलो मिल्यो है। अठे मिल्या मृदभाण्ड रा टुकड़ा रा अध्ययन सूं यो सामें आयो कि अठे आहाड़ रे समानांतर ही मानव बस्ती री व्हेला।
चांवड के पास मिल्या प्राचीन बस्तिया रा संकेत
सराड़ा। तहसील रे बंडौली (चांवड) क्षेत्र में प्राचीन बस्तियां वेवा रा संकेत मिल्या है। इणरो खुलासो विद्यापीठ रे साहित्य संस्थान री टीम द्वारा किया गया सर्वे एवं खुदाई रे दौरान व्यो। संस्थान रा निदेशक डॉ. जीवनसिंह खरकवाल बतायो कि महाराणा प्रताप काल (15वीं सदी) सूं पूर्व चावंड रे बंडौली स्थित तालाब किनारे दो बस्तियां ही , जणामें धातु गळाई रा काम वेवा रा संकेत मिल्या है। झाड़ोल रे कन्ने आयड़ री बस्ती कुम्हारिया मगरी भी है। इणसूं पेहला नठारा गांव रे कन्ने भी अणी तरह रा संकेत मिल्या हा।
मुस्लिम छोरियां ने तालिम सूं जोड़वा री अनूठी पहल
 बाड़मेर । सरहदी जिला बाड़मेर में शिक्षा सूं वंचित मुस्लिम छोरियां ने दुनियावी तालिम सूं जोड़वा रे लिए बाड़मेर जिला में मदरसा गुलशन ए खदीज तूल कूबरा एक अनूठी पहल करी है। मुस्लिम समाज रे सहयोग सूं चलाया जाय रिया इण मदरसे में प्रदेश रे बाड़मेर समेत चार जिला री 90 छोरियां ने शिक्षित कियो जाय रियो है। राजस्थान प्रदेश में यो छोरियां रो दूसरा आवासीय मदरसो है जठे अणाने नि:शुल्क अध्ययन करायो जाय रियो है। राज्य सरकार सूं मान्यता प्राप्त इण मदरसे में अरबी,उर्दू रे लारे हिन्दी,फारसी एवं अंग्रेजी रो अध्ययन करायो जाई। बाड़मेर जिलो शिक्षा रे लिहाज सूं घणो पाछे है। विशेषकर मुस्लिम समुदाय रा अधिकतर बाळक शिक्षा सूं नी जुड़ पावे है। इण मदरसे में बाड़मेर जिले रे अलावा जोधपुर, जैसलमेर, नागौर, पाली, जालोर जिले री छोरियां ने शिक्षित करवा री पहल करी है।
३० गांवा रो व्यो सम्मान
उदयपुर। राज्य में बाल विवाह रोकवा री दिशा में उत्कृष्ट योगदान देवा वाला संभाग रे ३० गांवा रो एसआईईआरटी सभागार में आयोजित एक कार्यक्रम में सम्मान कियो ग्यो। सम्मान समारोह में महिला व बाल विकास राज्यमंत्री मंजु मेघवाल बतौर मुख्य अतिथि शामिल व्ही।
राजस्थान रा सात रतन
जयपुर। राज्यपाल श्रीमती मार्ग्रेट आल्वा 17 दिसम्बर ने जवाहर कला रेन्द्र में आयोजित समारोह में विभिन्न क्षेत्रां में अतुलनीय योगदान देवा रे लिए राज्य री सात विभूतियां ने राजस्थान रत्न रो सम्मान दियो। इण मौके पे मुख्यमंत्री श्री अशोक गहलोत अर पर्यटन, कला एवं संस्कृति मंत्री श्रीमती बीना काक भी मौजूद हा। राज्यपाल राजस्थान साहित्य एवं संस्कृति लेखन रे लिए श्रीमती लक्ष्मी कुमारी चूंडावत, राजस्थानी कथा साहित्य रे लिए श्री विजयदान देथा, मोहन वीणा वादन रे लिए पंडित विश्व मोहन भट्ट, साहित्य एवं संस्कृति रे लिए स्व. श्री कन्हैया लाल सेठिया, लोक कला संरक्षण एवं संवर्धन रे लिए स्व. श्री कोमल कोठारी, गजल गायन रे लिए स्व. श्री जगतीत सिंह तथा लोक गायन-माण्ड राग रे लिए स्व. श्रीमती अल्लाह जिलाई बाई ने राजस्थान रत्न रो सम्मान दियो। राज्य में पेहली बार दिया गया इण सम्मान में पुरस्कार प्राप्तकर्त्ता ने शॉल ओढा’र मैडल, स्मृति चिन्ह, सम्मान पत्र और एक लाख रुपये री राशि रो चैक भेंट करियो।
राजस्थानी भाषा री मान्यता रे लिए संघर्ष जारी रेवेगा : भण्डारी
राना रे प्रवक्ता प्रेम भंडारी रो बिलाड़ा आगमन पे व्यो स्वागत
बिलड़ा। राजस्थान एसोसिएशन ऑफ नार्थ अमेरिका राना रे प्रवक्ता प्रेम भंडारी रो बिलाड़ा पंचायत समिति सभागार में राजस्थान पंचायतीराज कर्मचारी संघ व राजस्थानी भाषा मान्यता संघर्ष समिति री ओर सूं स्वागत कियो गयो। इण अवसर पे भंडारी कियो कि मायड़ भाषा राजस्थानी री मान्यता रे लिए संघर्ष जारी रेवेगा। मायड़ भाषा री पहचान व मिठास आदमी कदी भूल नी सके है। भंडारी बतायो कि वे राजस्थानी भाषा री मान्यता रे लिए राजस्थान रे कई हिस्सों में गिया ओर लोगा रो अच्छो समर्थन व सहयोग मिल्यो है।
साहित्य अकादमी पुरूस्कार भाटी ने मिलने पर ख़ुशी री लहर
बाड़मेर। राजस्थानी कवि आईदान सिंह भाटी ने वर्ष 2012 रे साहित्य अकादमी पुरस्कार रे लिए चुणिया जावा पे अखिल भारतीय राजस्थानी भाषा मान्यता संघर्ष समिति बाड़मेर ख़ुशी जाहिर कीदी हें । वणाने 18 फरवरी ने दिल्ली में आयोजित वेवा वाळा समारोह में विजेतावां रे बतौर पुरस्कार ताम्रफलक, शाल और एक लाख रूपए की राशि प्रदान की जावेला।
जैसलमेर रे आईदान सिंह भाटी रे कविता संग्रह "आंख हिन्ये रा हरियल सपना" ने पुरस्कार रे लिए चुणियो गियो है। इणसूं पेहला भाटी ने राजस्थान साहित्य अकादमी द्वारा सम्मानित करवा री घोषणा की जा चुकी हें समिति रे संभाग उप पाटवी चन्दन सिंह भाटी बतायो की भाटी री बाड़मेर कर्मभूमि री हें वणारो बाड़मेर और साहित्य सूं विशेष लगाव रियो हें वणाने सम्मान मिलवा सूं राजस्थानी भाषा ने मान्यता मिलवा रो मार्ग प्रसस्त वेगा। सम्मान की घोषणा रे केड़े डॉ आईदान सिंह भाटी बतायो के यो सम्मान राजस्थानी भाषा रे लिए गौरव रो विषय है।
अखिल भारतीय राजस्थानी भाषा मान्यता संघर्ष समिति बाड़मेर री कार्यकारिणी घोषित
हिन्दू सिंह तामलोर मोटियार परिषद् रा जिला पाटवी मनोनीत, खारा बणिया महासचिव
बाड़मेर। अखिल भारतीय राजास्थानी भाषा मान्यता संघर्ष समिति रे घटक राजस्थानी मोटियार परिषद् री कार्यकारिणी रो पुनर्गठन कर हिन्दू सिंह तामलोर ने जिला पाटवी मनोनीत कियो गयो हें, जोधपुर संभाग उप पाटवी चन्दन सिंह बहती बतायो के प्रदेश महामंत्री राजेन्द्र सिंह बारहट रे निर्देशानुसार कार्यकारिणी घोषित करी, अंकित जोशी ,विजय सिंह खारा ,नरेन्द्र खत्री, चुनाराम गोदारा ,दिलीप सिंह सड़ा ने महासचिव, कमल सिंह कपुरडी, उम्मीद आचार्य, शुभम सैन ,और जेठाराम माली ने सचिव ,जगदीश सिंह लंगेरा ने कोषाध्यक्ष ,स्वरुप सोनी ने सह सचिव ,सवाई चावड़ा ने प्रचार मंत्री ,जुन्झार सिंह बीदावत ने संगठन मंत्री अर तरुण मुखी ने प्रवक्ता नियुक्त कियो गयो है। हिन्दू सिंह तामलोर बतायो कि राजस्थानी भाषा ने मान्यता दिलाणे रे लिए समिति री ओर सूं चलाया जायरिया अभियान में मोटियार परिषद् सक्रीय भूमिका निभावेगा।
नाज करो म्हाणी बेटी रे हौसले री उड़ान पर
उदयपुर री सबसूं कम उम्र री महिला पायलट एनी तलदार शनिवार ने पहली बार शीरपुर (महाराष्ट्र) सूं चार्टर ले’र उदयपुर आईं। अठे पहुंचवा पे विणरो जोरदार स्वागत किया गयो। एनी 21 साल री हैं और इस सूं पहले बड़ौदा, अहमदाबाद, इंदौर, औरंगाबाद, अहमदाबाद आदि में चार्टर सूं उड़ान भर चुकी हैं। एनी शीरपुर सूं उदयपुर री दूरी दो घंटे 10 मिनट में तय करी।
नोहर कस्बा रा पवन कुमार पारीक साढे बारह लाख रूपए जीत्या
नोहर। कौन बनेगा करोड़पति में भाग लेवा वाळा कस्बा रा निवासी पवन कुमार पारीक साढे बारह लाख रूपए जीत्या। सोनी टीवी पे 24 नवम्बर रात प्रसारित एपिसोड में फिल्म कलाकार अमिताभ बच्चन रे मुण्डा सूं बार-बार नोहर व हनुमानगढ़ रो नाम सुण’र कस्बा रा नागरिक खूद ने गौरवान्वित महसूस कर रिया हा। पारीक अमिताभ बच्चन ने जसाना रे कवि सतीश गोल्याण री पौथी 'मेरी मधुशाला' री प्रति भी भेंट करी। पवन मूल रूप सूं हनुमानगढ जिला रे नोहर रो है अ’र अबार अहमदाबाद में रेयरियो है। पवन बतावे है कि रजिस्ट्रेशन रे वखत वणी नोहर रे बजाय अहमदाबाद रो नाम लिखवाय दियो हो इण बात रो विने घणो दुख है।
राजस्थानी ने मान्यता पोस्ट कार्ड अभियान तीन दिसंबर ने कलरव में
बाड़मेर अखिल भारतीय राजस्थानी भाषा मान्यता संघर्ष समिति और मोटियार परिषद् रे तत्वाधान में राजस्थानी भाषा ने मान्यता दिलाने रे प्रयास रे तहत चलाया जा रिया पोस्ट कार्ड अभियान रे तहत सोमवार ने कलरव पब्लिक स्कूल में अभियान रो आगाज़ ,वेगा मोटियार परिषद् रे नगर अध्यक्ष रमेश सिंह इन्दा बतायो कि प्रदेश महा मंत्री राजेंद्र सिंह बारहट और संभाग उप पाटवी चन्दन सिंह बहती रे निर्देशानुसार संसद सत्र रे दौर बाड़मेर सूं राजस्थानी भाषा ने मान्यता देवा रे समर्थन में पचास हज़ार पोस्ट कार्ड प्रधानमंत्री ,गृह मंत्री और स्थानीय संसद हरीश चौधरी ने लिखवा रो लक्ष्य राख्यो गयो हें ,दूसरे चरण में अभियान और तेज़ी और तत्परता सू चलायो जावेला ,मोटियार परिषद् रे जिला सहसंयोजक दिग्विजय सिंह चुली बतायो कि दूसरे चरण में शहरी क्षेत्र रे लारे-लारे ग्रामीण क्षेत्रां में भी अभियान चलायो जाइ ,साथ ही आम जन ने राजस्थानी भाषा ने मान्यता सूं मिलवा वाळा फायदा रे बारे में भी बतायो जावेला ,वणारे अनुसार राजस्थानी भाषा सूं आम जन ने जोड़वा रो प्रयास हें
जिला सम्मलेन रो आयोजन
बाड़मेर अखिल भारतीय राजस्थानी भाषा मान्यता संघर्ष समिति बाड़मेर रे तत्वाधान में समिति रे अंतर्राष्ट्रीय संयोजक प्रेम भंडारी रे मुख्य आतिथ्य और संजीवनी को ओपरेटिव रे महाप्रबंधक विक्रम सिंह इन्द्रोई री अध्यक्षता में जय नारायण व्यास पोलोटेक्निक कॉलेज जालिपा रोड में जिला सम्मलेन रो आयोजन किया गयो ,बैठक में संभाग उप पाटवी चन्दन सिंह भाटी , इन्द्र प्रकाश पुरोहित ,डॉ लक्ष्मी नारायण ,जोशी ,सुलतान सिंह रेडाना ,रणवीर भादू , संजीवनी ओपरेटिव रे महाप्रबंधक विक्रम सिंह इन्द्रोई ,माधो सिंह चौहान ,उदयभानु सिंह ,अनिल सुखानी ,जिला सहसंयोजक नरेश देव सारण , विजय कुमार ,रमेश सिंह इन्दा ,दिग्विजय सिंह चुली ,अशोक सारला ,रमेश गौड़ ,हिन्दू सिंह तामलोर ,भोम सिंह बलाई ,विजय सिंह खारा ,जीतेन्द्र फुलवारिया ,सहित कई पदाधिकारी और कार्यकर्ता उपस्थित हा।
पुष्कर मेळों सम्पन्न
 पुष्कर। कार्तिक पूनम रे अवसर पे 28 नवम्बर ने पुष्कर सरोवर में महास्नान व्यो। इणमें दूर-दराज सूं आया संत-महात्माओं ब्रह्मा सरोवर में शाही स्नान किदो। इणरे लिए साधु-संत सुबह रमैया राम आश्रम रे महंत प्रेमदास महाराज एवं जोधपुर रे सैनाचार्य अचलानंद महाराज रे सान्निध्य में शोभायात्रा रे लारे सप्तऋषि घाट पहुंचिया। स्नान रे बाद सरोवर रो वैदिक मंत्रोच्चार रे लारे पूजन किदो अर आरती उतारी। हर साल भरवा वाळो पुष्कर मेळो इण साल 28 नवम्बर ने महास्नान रे बाद संपन्न व्यो।
अनोखी परंपरा
 बीकानेर शहर में अणा दिनां वैवाहिक समारोहा री धूम मची हैं। २7 नवम्बर ने श्रीमाली समाज री एक वधू री घोड़ी पे निकलती आड़ बिन्दौळी। समाज री परंपरा रे अनुसार वधू अर विणरा परिजन वर रे घर व्याव रो निमंत्रण देवा जावे हैं।
स्कूलों में मिलेगा साइबर क्राइम रोकवा री सीख
साइबर क्राइम (इंटरनेट के जरिये अपराध) कंट्रोल रे क्षेत्र में विशेषज्ञां री कमी ने देखता तका सरकार अबे बाळका ने इंटरनेट रे सुरक्षित इस्तेमाल रे बारे में जागरूक करवा जायरी है। इणरे रे लिए राज्य रा करीब 50 सरकारी स्कूलां में छठी सू 12वीं तक साइबर लिट्रेसी प्रोग्राम शुरू किया जायरिया है। बाळक या जानकारी रखेगा तो साइबर क्राइम में कमी आ सकेला। 10 जिला में पायलट प्रोजेक्ट री सफलता के केड़े संगळा जिला रे स्कूलां में यो प्रोग्राम लागू वेगा।
पेड़ काटिया तो २५ हजार जुर्मानो या ६ माह पार्क में काम करवा री सजा
जयपुर। शहरी क्षेत्रा में यदि वना अनुमति पेड़ काटिया या नष्ट करिया तो अबे 25,000 रु. तक रो जुर्मानो भरणो पड़ सके है। जुर्माना नी देवा री सूरत में 6 महीने सार्वजनिक पार्क में काम करणो पड़ेला। राज्य सरकार अस्यो कानून लावा वाळी है। विधि विभाग री राय और कैबिनेट री मंजूरी रे बाद यो विधेयक विधानसभा में लायो जावेला।
सरकारी नौकरी रे लिए देणो पड़ेला तंबाकू नी खावा रो शपथ पत्र
जयपुर। राज्य में सरकारी नौकरियों में नियुक्ति पावा वाळा ने अबे सेवा शुरू करवा सूं पेहले तंबाकू नी खावा री अंडरटेकिंग देणी पड़ला। इस संबंध में प्रस्ताव तैयार कर लियो गयो है। विण पे केवल मुहर लागणी बाकी है। अतिरिक्त मुख्य सचिव वी.एस. सिंह बतायो कि सरकार चावे है कि प्रदेश में तंबाकू रो सेवन पूरी तरह खत्म व्है जावे। अंडरटेकिंग रे मामले में जल्द ही अंतिम फैसला कर लियो जावेला।
राजस्थानी साहित्य में मिलेला तीन नवा पुरस्कार
अकादमी रे अध्यक्ष श्याम महर्षि बतायो कि अणा पुरस्कारा रे अलावा इण वरस तीन नवा पुरस्कारा रो प्रस्ताव भी राज्य सरकार सूं अनुमोदित व्है गियो हैं। युवाओं और महिलाओं रे लिए भी व्हैला पुरस्कार अकादमी सचिव पृथ्वीराज रतनू बतायो कि महिला रचनाकारावां रे लिए 'महिला लेखन पुरस्कार, युवा रचनाधर्मियों रे 'युवा साहित्य पुरस्कार' एवं साहित्यिक पत्रकारिता रे क्षेत्र में उल्लेखनीय अवदान रे लिए 'साहित्यिक पत्रकारिता पुरस्कार' भी अणी वरस सूं प्रारंभ किया जावेला। पुरस्कारों रे लिए प्रविष्टियां जल्द ही आमंत्रित की जावेला।
सूर्यमल्ल मीसण शिखर पुरस्कार जैसलमेर के डॉ. आईदान सिंह को,
बीकानेर राजस्थानी भाषा, साहित्य एवं संस्कृति अकादमी वर्ष 2012-13 लिए पुरस्कारा री घोषणा कर दी है। इण वर्ष सूर्यमल्ल मीसण शिखर पुरस्कार जैसलमेर रे साहित्यकार डॉ. आईदान सिंह भाटी ने वारी काव्य पोथी 'आंख हियै रा हरियल सपना' रे लिए दियो गयो है। वांने 71 हजार रु.
राजस्थानी साहित्य में पुरस्कारा री वरखा
पद्य विधा रो गणेशलाल व्यास उस्ताद पुरस्कार राजस्थानी साहित्यकार अजमेर निवासी विनोद सोमानी 'हंस' ने पोथी 'म्हैं अभिमन्यु' रे लिए दियो जावेला। शिवचंद भरतिया गद्य पुरस्कार जयपुर के डॉ. गोविंद शंकर शर्मा पौथी 'राजस्थानी भाषा शास्त्र' रे लिए दियो जावेला। मुरलीधर व्यास राजस्थानी कथा साहित्यकार पुरस्कार रे लिए बीकानेर रे कथाकार प्रमोद शर्मा री पौथी 'राम जाणै' रो चयन कियो गयो है । लेखक री पेली प्रकाशित कृति रे लिए दियो जावा वाळो 31 हजार रु. रा सांवर दइया पैली पोथी पुरस्कार जोधपुर री कवयित्री किरण राजपुरोहित 'नितिला' ने वांरी कृति 'ज्यूं सैणी तितली' रे लिए मिलेला। राजस्थानी बाल साहित्यकार पुरस्कार सलूम्बर (उदयपुर) री डॉ. विमला भंडारी ने वांरी बाल साहित्य री पौथी 'अनमोल भेंट' रे लिए दियो जावेला।
आखिरी सांस तक लडिया हा भाटी
जयपुर। पचास बरस पेहले चीन जो घाव आपाने दियो विणरो दर्द आज भी टीस दे जावे है। विण लड़ाई में आपा भले ही हार ग्या हा पण आपाणा सैनिकां रे हौसला में जीत रे जज्बे री कमी कतई नी ही। वणामें सूं एक हा जोधपुर रे बानासर गांव रा लाडला मेजर शैतान सिंह भाटी। ..बात 18 नवम्बर 1962 री है। जम्मू-कश्मीर रे चुशूल सेक्टर में राजंगला की 17 हजार फीट ऊंची पोस्ट पे शतान सिंह भाटी 123 जवानों रे लारे तैनात हा। अतरा में देर रात चीनी सेना हमलो बोल दियो। बर्फीली हवा रे वीच एक दाण व्या विण हमला रो भाटी अर वांरा सेगळा साथी मुंहतोड़ जवाब दियो। चीनी अत्याधुनिक मशीनगनों रे सामे भाटी चंद जवानों रे लारे डटिया रिया। मेजर ने गोळी लागी.. पण फेर भी वणा दुशमन पे फायरिंग री पोजीशन बणाई राखी और अंतिम दम तक मोर्चो संभाळ’र राख्यो । श्रीभाटी ने इण बहादुरी रे लिए मरणोपरांत परमवीर चक्र सूं सम्मानित किदा हा। 1962 में व्या भारत-चीन युद्ध रे इस मोर्चे पे अहीर पलटन के 123 सैनिकों में 114 शहीद और 9 गंभीर घायल व्या हा। इस लड़ाई में सीकर रा 35, झुंझनू रा 39, अलवर रा 15, व जयपुर जिले रा 6 सैनिक शहीद व्या हा। इण तरह सूं राजस्थान रा करीब 125 सूं 150 सैनिक शहीद व्या हा। सेवानिवृत्त कर्नल नाथू सिंह शेखावत भाटी सूं जुडि़या कई तथ्य जुटा राख्या हैं। कर्नल नाथू रे मुताबिक, रानीखेत स्थित कुमाऊ रेजीमेंट रे संग्रहालय में मेजर शतान सिंह री बहादुरी री कहाणी केवती कुछ यादें संजोई राखी हैं। जिणमें खून सूं लथपथ वांरा वस्त्र, गोली सूं फटी बेल्ट अर शहीद री जेब में रख्या पांच रुपए आज भी वठे रख राख्या है।
काश्तकारां पे पाछी मिलेला जमीन
राज्य सरकार द्वारा जारी अधिसूचना सूं अबे काश्तकारों ने आपणी जमीन वापस मिल सके है। राज्य सरकार एक अधिसूचना जारी कर राजस्थान भू-राजस्व नियम 1970 में संशोधन कियो है। इण संशोधन रे अनुसार मुआवजा दिया बिना ली काश्तकार री जमीन अगर उपयोग में नी आयरी है तो, अस्या में सरकार ने वा जमीन लौटानी पड़ सके है। जिला कलेक्टर आवेदन पे विचार करने अ’र पूर्णता संतुष्ट वेवा रे केड़े कि भूमि रा उपयोग निर्धारित प्रयोजन सूं नी व्या है तो वो आवेदक रे पक्ष में आदेश जारी कर सके है। असी स्थिति में भूमि रो दरजो पाछो वठे व्है जावेला काश्तकारी अधिकार ने समर्पित करणे सूं पूर्व हो ।
मेवाड़ री 13 बेटियां ने प्रियदर्शिनी पुरस्कार दियो जाई
कक्षा दसवीं अ’र बारहवीं बोर्ड में पेहलो स्थान पावा वाळी मेवाड़ री 13 बेटियां ने प्रियदर्शिनी पुरस्कार दियो जावेला। शैक्षिक प्रकोष्ठ अधिकारी कमलेंद्र सिंह राणावत बताया कि विभिन्न वर्गा में पेहला स्थान पे रहने वाळी दसवीं री छात्रावां ने 40 हजार व प्रशस्ति पत्र अ’र 12वीं की छात्रावां ने 50 हजार एवं प्रशस्ति पत्र दियो जावेला। पुरस्कृत वेवा वाळी छात्रावां ने आगली कक्षा में अध्ययनरत वेवा रो प्रमाण पत्र, जाति प्रमाण पत्र व अंकतालिका री फोटो कॉपी ले’र आयोजन स्थल पर आणो व्हैला।
रेणु ने मिलेगा तुलसी सम्मान
उदयपुर शहर री युवा कवयित्री रेणु सिरोया ने भोपाल (मध्य प्रदेश) री संस्था मध्यप्रदेश तुलसी साहित्य अकादमी री ओर सूं तुलसी साहित्य सम्मान दियो गयो। प्रबुद्ध कलमकार डॉ. आनंद तिवारी बतायो कि यो सम्मान रेणु ने वांरा साहित्यिक लेखन व सक्रिय गतिविधिया रे लिए दियो गयो।
एक साल में पचास सूं अधिक घुसपेठ री वारदाता
बाड़मेर भारत पाकिस्तान री पश्चिरी राजस्थान सूं सटी पाकिस्तान री सीमा पे हाल में व्ही घुसपैठ री तीन ताजा घटनावा रे बाद भले ही ज्यादा सतर्कता बरती जायरी व्हे , पण बीएसएफ राजस्थान फ्रंटियर सूं सटी सीमा पे गत एक साल में घुसपैठ री पचास सूं अधिक घटनाएं व्है चुकी हैं। बाड़मेर रे सरहदी इलाका बाखासर सेक्टर में पाकिस्तानी नागरिक रे भारतीय सीमा में घुसाने री घटना भी सुरक्षा एजेंसियों री चिंता बढ़ारी हें, या घुसपेठ बाखासर रे उण क्षेत्र में व्ही जठे तारबंदी नी हें ,नवातला में लम्बा समय सूं तारबंदी क्षतिग्रस्त पडी हें जिने सीमा सुरक्षा बल ठीक करणे रा प्रस्ताव कई मर्तबा गृह मंत्रालय भारत सरकार ने भेज्या पण् न बजट जारी व्यो न ही मरम्मत री स्वीकृति मिली ,जिणरे कारणे इण क्षेत्र पे पाकिस्तानी खुफिया एजेंसी आई एस आई री नज़ारा गढ़ी है। यो क्षेत्र घणो संवेदनशील मान्यो जावे हें इणरे बावजूद घुसपेठ री घटनवां में इजाफो व्है रियो है।
|
ए ऐ ओ औ अं अ:
